Aap ki Yaaden

Yaad hai mujhe.

Mera bachpana, jo aap ke aanchal mein guzra hai.
Mera har ladakpan.. jo aapne mujhme dekha hai..
Meri masumiyat jo apne sanjoye the..
Meri zuban se nikli har shabd jo aapne piroye the…
Mera hashna, khelna apne dekha.
Mere bachpan ka har mukhda apne dekha.

Yaad hai mujhe mere School ke liye subha mujhse phele apka uthna..
Aur mujhe utha Kr mere na jane pr kehna ki aaj chali jaa kal pakka ghar pr rahna…
Bhot yaad aati h jab akeli hoti hu….
Kayi raate to IN yaad se takiye gile kr ke soti hu….

Ruthi hona mujhse
Chor diya na maine !!!!

In sahro ki chamak ne chin liya mujhe aapse,
Main chah kr bhi khud ko jaga na saki shahro ke khwab se.
Kitna acha tha vo din Jab Main apke sath har waqt hoti thi..
Apke sath ghumna, apke sath khana aur aapke sath hi soti thi.

Nind nahi aati thi apki kahani sune bagair,
Naa jane kaise sona sikh gyi or bana diya apko gair..

Mera har waqt ka khayal apko hota tha!!!

Aaj mere har waqt ME apka khayal bas rah gya,
Kya karu ab samajh ni raha, kaise dhundu apko ye sawal bas rah gaya.

Apki muskrate ankhe, Hotho ka hashte hi khul jana.
Aaj lag ra kash kisi din samay nikal kr dekh liye hota apka muskana.

Ab mere sapno mein bhi aap ni Aari ho,
Mujhe pata hai isi tarah aap mujhe sata rahi ho.
Apne mujhe kayi baar bulaya tha,
Pr har baar maine koi na koi bhana bnaya tha.
Aisa nahi hai ki mujhe apki yaad nahi aati thi,
Bas baat itni si hai Main apko bas jata nahi pati thi.
Pata hai per is baar meri galti nahi thi Main aapse milne aayi thi..
Pure raste maine khuda se minnat me apki salamati ki dua mangi thi..

Pr apka gussa itna hai na kya bolu!!!

Main gadi se utri or apka intazar kar ri thi,
Logo ki bhid thi pr aap ni dikh ri thi
Aage badhi to dekha aap so ri thi,
Pheli baar apko humse se jyada nind ki padi thi.
Naa jane kyun sab tumhe dekh kr roye jaa rahe hain,
Aur mera dil bhi apke pass Jane se katra  rahen hain…

Kya krti aap bhi!!!!

Apne bhot intazar kiya hoga na humara,
Hum to kya aram se jab dil kiya aaye hume to parwah hi ni tha tumhara.
Har phone call me aap, “kab aa ri hu” yhi pucha krti thi,
Humara intezaar chutiyon me kiya krti thi.

Ab aap thak gyi hogi Aram krlo,
Sukooon ki nind ab sayad apko mil jaye nind pura krlo.
Waise bhi Main hakdar ni hu ye kehne ke meri liye apni ankhe khol do…
Gusse mein hi sahi kam se kam do shabd bol do…
Mujhe bhi pata hai is baar aap ni uthogi…
Ye akhiri waqt hai apko dekhne ka fir aap ni dikhogi…

Ye dar mere dil me kab se tha…
Aap chor doge mujhe ye pata tha…
Pr is tarah mujhse ruth kr jaoge ye socha na tha…
Pr koi ni ab kya kr sakti Main ye to hona hi tha…
Bas kuch shabdo me ye keh kr bayan krna chahti hu…
Dadi bas ek aap hi ho jise Main sabse jyada chahti hu…

Aapke sath ka pal mere liye bhot anmol tha!!!!!

Bhukh na rahne pr apke thali me khati thi,
Nind chain se apke sath hi aati thi.
Sapne to ab aane lage hai mujhe warna, phele raat me ankh band hoti to subha ho jati thi.
Mere zindagi ka sabse ahem hissa ho aap, Main apki yaadon ko sambhal rakhungi.
Maafi ke layak nahi hu,
Pr maaf krdena  bas itna hi kahungi…
 

Tum

Sunona!!!!
Aaj dil ker raha bata du tumko kitne khash Ho tum…
Dur to mere nazro se kafi ho per mere dil ke pass Ho tum….

Kabhi socha na tha maine ki koi itna aziz hoga…
Ki chehre ki salhate padh ker keh dungi Ki kya hua aaj kyun udas ho tum…

Dur rahte Ho na to yaado me tumhari kho jaya karti hu…
Ghanto tumhe soch ker muskraya karti hu…
Ab to mere dost bhi kehne lage hai pagal ho gayi hai ye puri..
Kaise samjhau unhe Main, mere befizul muskaan ki raaz ho tum…

Aaj tum samne ho mere to ek ajib sa Dar hai…
Meri dhadkan tumhe dekh ker badh rahi maano iss per tumhara haq hai…
Nazre tumhe dekhna chahti hai per dar hai kahin isse asani se padh na Lo…
Meri nazre tumse khin ye na keh DE sunona mera Sacha pyar ho tum…

Tumhe pata hai kitne baar dimak ne dil ko kaha mere bas kr aaru ruk jaa ye sab bhul jaa kuch hasil ni hoga tujhe…
Pr ye dil kuch sune to Na use to har dhadkan me jo sunayi DE vo awaz Ho tum…

Per bhot hua ab!!!
aaj Main tumhe bata dungi
Ikraar krke apne pyar ko tumhare liye jata dungi…
Ye soch kr nikalti hu pr karib aate hi dar jati hu..
roj ye khayal batau ya na btau is  kashmakash mein rah jati hu….

Btau bhi kaise na jane kitne h mere jaise tumhare chah me..
itne dil ke bheed ME kaise dikha du ki mere dil ki vo sabse khubsurat ehshash ho tum…

Per himaat dikhayi Maine jata di chahat tumhe ek baar me!!!!
Suno na dil na De sako to kya hua,
Meri sanso se jaakr meri ruh se keh Do ki keh dena dil ki dhadkano ko!! aaj bhi izzazt deta hu tujhe mujhe dekh ker tez se dhadakne ko…
Is ek tarfa ehshash se bhi pyar hai mujhe jisme aaj bhi sabse zyada khash Ho tum…

Nafrat karne ki to fitrat hai meri

Nafrat karne ki to fitrat hai meri
Mujhe mohabbat karna sikhaya gaya tha…

Dil to mere bhi sine me hain
Per uski dhadkan mujhe sunaya gaya tha..

Main to nasamjh anjaan thi dhadkano se..
Mera hath pakad ker sine se laga kar mehsoos karaya gaya tha…

Per aaj ka padha Main kal bhul jaun to ye mohabbat kaise yaad rakhti
Aur uppr se mujhe mohabbat hui Nahi thi karaya gaya tha…

Per kab tak meri nafrat per ye dikhawe ka pyar chalta…
Maaf Karna!!!!! tumhare jaiso se nafrat Karna Mujhe to bachpan se sikhaya Gaya tha …

Main

Main..

Main

To main na is kadar hu…
Ki Nafrat padh loge meri ankho se tum
Aur pyar se Main khud HI bekhabar hun..

Main Na khud mere zindagi ka gum hun… .
Akdu hu judgmental hu or thoda bhot Dumb hun..

Mujhe na chize kafi late samajh me aati hai…
Jab tak samjhti hu tab tak Band Baj jati hai..

Akad itna hai na mujhme ki khatam hone ka Naam hi nahi le raha..

Jab Main khud ko kehti akad kam kar To vo khud ko mera Self Respect kah raha…


Naa jane kitne mod per mera self-respect aaker mere kadmo ko rok leta hai..
Or kehta vo dekh jiske sath tu chal raha hai na vo to bey matlab Kahin aur bah raha…

Judgmental to sach bolte bolte Ho gayi..
Galat ko galat kehne ki is kadar adat hai ki tariff karna hota hai dost bane rahne Ko ye baate mere liye baate HI rah gayi…

Vo kehte rahe mujhe ki logo ka pyar badalta hai tu kyun ise galat keh rahi..


Main judgmental Ho gyi unka pyar badal gaya vo ab kisi aur ke hai or Main apni purani soch ki  mohtaz ban Ke Rah gayi…

Or dumb to is kadar hu ki pucho mat!!!!
Ki har baar thokar lagti hai mujhe unse fir unke sath muskarati hun…
Baat krti hu Akad ki itna!!!
Per un logo ke samne apne self-respect gawan kar aati hun…

Waise to meri puri koshish hoti hai Main ache logo se dur rahu!!!!!
Per haar baar mera samna ache logo se hota hai…
OR wahi purane kisse naye logo ke sath dohrati hun….

Beti se izzat kaise ban gyi tumhari.

Main Izzat hu

To khush ho ab!
Jeet gaye tum!
Paa liye jo pana tha.
Jism hi to hai,
Tumhe jism ki hi bas bukh mitana tha.

Naa jane kyun log izzat ki baat krte haii,
Ise to waise bhi ek din lut jana tha.

Maa! Main beti thi na,
Main to choti thi naa,
To beti se izzat kaise ban gyi tumhari,
Beti hone ka ek bojh tha hi ab izzat ke bojh se jhukh gayi gardan humari.

Phele kam se kam hash to liya krti thi,
Jab beti thi to kam se kam hash to liya krti thi,
Maa! jab se teri izzat bani hu na, muskurahat pr bhi hai meri pheredari.

Maa!!!!!
Tumhe pata hai school se aate usne Mujhe ek din roka tha,
Usdin pheli baar maine uski ankho ME ek ajib bhukh dekha tha.

Main dari Main Sehmi or anjann thi kya ab krna hai,
Fir ek din socha, chikha, chillaya aur samajh gayi ab ladna hai.

Main jeet gayii…
Main usse jeet gyi ….
Per ab vo roz mujhe ek alag chehre me milta hai.
Or ankhe wahi hai jo muje ajeeb sa dekhta hai.
Har gallii har nukad har chaurahe per vo hota hai.
Or Ab lad kar bhi kuch nahi hota hai.

Thak gyi Main
Bas bhot ho gya
Kash Main aaj bhi Terri beti hoti,
Or bina kisi dar ke tere bahon ME soti.

Tujhe vo har baat batati,
Jo mujhe thoda bhi rulati.

Par ab To Main Izzat hu na

Ab mera bas itna haq hai,
Ki apke izzat me dag naa lage ise sambhal kr rakhna bas hai.

Terri izzat par Zamane ki nazar hai,
Chupu kahan zamane ko jata har dagar hai.
Maa! tujhe bhi kuch kah nahi sakti,
Q ki tujhe bhi mujhse jyada zamane ki fikar hai.

Per maaa aaj teri izzat yeh zamane ne lut liya,
Jo kabhi teri beti thi uska har hissa khub liya.

Aaj fir Main chikhi fir Main chillai,
Jitna ho saka utni ki maine ladai .
Per aaj Haar Gyi zamane ke aage,
Kyun ki zamane se harna  tune thi sikhayi.

Un ajeeb ankho se ladna ab  asan lag raha mujhe…
Kyon ki unki ankho Me bhi dar tha kisi ne dekh Liya to zamana kya kahega mujhe…

Udne dona papa mujhe aise bhi kya majburi hai…

Udne dona papa mujhe aise bhi kya majburi hai🙍

Jab choti thi main tumne mujhko chalna hashna sikhlaya tha..
Fir aaj mere hashne chalne per itna rok lgaya kyun..
Khul kar hashta dekh mujhe tumhare hoth muskrate the…
Fir aaj mere khul kar hashne per gussa ankho per aaya kyun..
Ye samaaj nahi hai vo jisne mujhko jeena sikhlaya hai..
Mere papa hain vo insaan jisne meri duniya banaya hai…
Pankh mere tumne failaye sikhaya udna zaruri hai….
Fir udne dona papa mujhe aise bhi kya majburi hai…

Jab choti thi main tumne mujhko chalna hashna sikhlaya tha..
Fir aaj mere hashne chalne per itna rok lgaya kyun..
Khul kar hashta dekh muje tumhare hoth muskrate the…
Fir aaj mere khul kar hashne per gussa ankho per aaya kyun..
Ye samaaj nahi hai vo jisne mujhko jeena sikhlaya hai..
Mere papa hain vo insaan jisne meri duniya banaya hai…
Pankh mere tumne failaye sikhaya udna zaruri hai….
Fir udne dona papa mujhe aise bhi kya majburi hai…


#kala_samaj